overworked and underpaid

"educ ka, di ba?"
*tatango*
"magtuturo ka talaga pagka-graduate mo?"

putcha, retarded ka ba? e anu ba gusto mong gawin ko? magtinda ng tocino, Avon, at herbal supplements? (not that it's a bad thing ah.) kung ako lang e tarantado at kalahati, tiyak na uumagahin sa pagpupulot ng mga ngipin n'ya kung sino man ang nagtanong nun. oo, ni sa hinagap ay 'di ko inisip kumuha ng educ, lalu na siguro ang maging maestra. bakit? dahil nasa linya din ng pagtuturo ang tatay ko, at dahil me pagkarebelde ang lola n'yo, ayokong mabuhay sa anino n'ya. kumbaga, gusto kong me mapatunayan, sa sarili kong sikap. isa pa, 'di lingid sa atin kung gaano lang ang suweldo ng isang guro, kung ikukumpara sa kamal-kamal na salaping nakukuha ng isang halal na opisyal. sabi nga nila: "walang pera sa pagtuturo. 'di ka yayaman dun." pero nung medyo napariwara sa maynila, wala na akong nagawa kundi tanggapin at sundin ang gusto ng tatay ko. (beggars can't be choosers, ika nga.) halos lahat ng naging kaklase ko sa bisu e hindi rin gustong mag-educ, pero dahil hindi pinalad makapasok sa ibang kurso, dito nabagsak. 'yung iba, mala-telenovela ang buhay: suma-sideline sa pagtitibag ng bato, pinapaaral ng isang kamag-anak, service crew sa fastfood chain, nag-aararo ng lupa bago pumasok. kung 'di ka iskolar ng barangay, pinapaaral ka ng admin dahil magaling kang atleta. kaya 'di ko rin sila masisisi kung magmahalimaw man sila sa pag-aaral dahil nakataya 'di lamang ang sarili nilang buhay, kundi pati na din ang kinabukasan ng pamilya nila. pero tulad ng problemang nadadaan sa kembot, nagawa kong magustuhan ang pagtuturo, kahit medyo nagdalawang-isip ako kung kelan pa umabot na 'ko sa pagiging isang student teacher (dahil sa hirap, 'di pala 'to joke). 'di ko na din masisisi 'yung mga taong nagkakabit ng 'di magandang impresyon sa CoEd. madali nga namang mag-comment 'pag wala ka sa loob, pero 'wag mong asahang tama ka sa lahat. kaya bago pa 'ko maburaot, iintindihin na lang muna kita. nakakaawa ka.